Ørsta Bedehus, eit kjennemerke midt i Ørsta, fyller 40
år i 2009.
Trass i alderen, meiner folk som kjem innom at huset har ei moderne
utforming og ei praktisk og vakker løysing.
Huset er eigd og drive av Ørsta Indremisjon, og er så og
seie dagleg i bruk av ulike lag, grupper, organisasjonar og private
arrangørar i løpet av sesongen.
Der går det føre seg m.a. barne- og ungdomsaktivitetar,
kor- og musikkøvingar, kristen møteverksemd, minnestunder
og nokre private arrangement som åremålsdagar, bryllaup og
konfirmasjonar.
Mange friviljuge hjelpande hender gjer at huset er halde i god stand,
og såleis er eit godt og tenleg hus til byggjande aktivitetar i
bygda.
Rasmus Tunheim
